Monday, May 20, 2024
HomeUrdu Newsبرطانیہ میں کورونا کی نئی لہر اومی کرون کے پھیلاو میں تیزی

برطانیہ میں کورونا کی نئی لہر اومی کرون کے پھیلاو میں تیزی

برطانوی میڈیا کا کہنا ہے کہ انگلینڈ میں اومی کرون کےزیادہ تر کیسز کورونا ویکسین کی دونوں خوراکیں لگوانے والوں میں دیکھے گئے ہیں۔ تفصیلات کے مطابق ماہرین کا کہنا ہے کہ 55 فیصد کیسز کورونا ویکسین کی دونوں خوراکیں لگوانے والوں میں سامنے آئے۔ماہرین کو خدشہ ہے کہ اومی کرون پر موجودہ ویکسین کا اثر نہیں ہوتا، اومی کرون جنوبی افریقا میں کورونا کی ڈیلٹا قسم سے زیادہ تیزی سے پھیل رہا ہے۔ ڈیلٹا کے مقابلے میں بیماری دوبارہ لاحق ہونے کا خدشہ بھی 3 گنا زیادہ ہے۔

ایسے وقت میں جب دنیا بھر کے وائرولوجسٹ اور ماہرین وبائی امراض کوویڈ19 کی اومیکرون قسم کو سمجھنے کے لیے جدوجہد کر رہے ہیں، کچھ آسٹریلوی ماہرین کا کہنا ہے کہ گھبراہٹ اور افراتفری مسائل کو حل کرنے میں مددگار نہیں ہوگی بلکہ صحت سے متعلق مضبوط بین الاقوامی تعاون ہی مستقبل کے نئے چیلنجز سے نمٹنے کا صحیح طریقہ ہے۔ ۔یونیورسٹی آف نیو ساتھ ویلز (یو این ایس ڈبلیو) کے پروفیسر انتھونی زوئی نے شِنہوا کو بتایا کہ ماہرین وائرس کی نئی قسم کی شدت کا اندازہ لگاتے ہوئے معمول کے مطابق کئی مختلف عوامل پر غور کرتے ہیں کہ یہ کیسے برتا کرتا ہے، اس کی آگے منتقلی کی کتنی صلاحیت ہے اور یہ کہ تشخیص کے موجودہ طریقہ کار کے ذریعے اسکا پتہ چلایا جاسکتا ہے یا نہیں۔

انہوں نے مزید یہ بھی بتایا کہ ماہرین اس بات کا بھی پتہ لگائیں گے کہ کوویڈ19سے نمٹنے کے لئے پہلے سے موجودہ طریقہ علاج اس نئی قسم کےلئے بھی کارگر ہوں گے اور یہ کہ موجودہ ویکسن اب بھی قابل بھروسہ ہیں یا نہیں۔ زوئی نے کہا کہ گھبراہٹ سے کوئی فائدہ نہیں ہوتا، ہمیں فکر مند ہونے کی ضرورت ہے۔ ہمیں خطرات کو سمجھنے کی ضرورت ہے۔ ڈیٹا اکٹھا کرنے اور شواہد پر عمل کرنے کی ضرورت ہے۔ لیکن گھبراہٹ اور افراتفری میں اٹھائے گئے اقدامات سے کوئی فائدہ نہیں ہوگا۔

ایسے وقت میں جب عالمی برادری کو اومیکرون کے بارے میں آگاہ ہوئے ابھی چند ہفتے ہی ہوئے ہیں، ماہرین وائرس کی اس قسم سے متعلقہ معلومات جمع کرنے اور ان کا تجزیہ کرنے میں مصروف ہیں۔زوئی نے کہا کہ ماہرین کے مطابق اگلے چند ہفتوں میں اومیکرون سے متعلق تیزی سے سیکھنا ممکن ہونا چاہیے، خاص طور پر ایسی جگہوں سے جہاں بڑی تعداد میں اومیکرون ویرینٹ کے کیسز سامنے آئے ہیں تاہم ان کا کہنا تھا کہ یورپ میں وائرس کی ڈیلٹا قسم اس وقت صحت کے لیے بہت زیادہ فوری خطرہ ہے۔

RELATED ARTICLES

LEAVE A REPLY

Please enter your comment!
Please enter your name here

- Advertisment -

گرمیوں کا یہ موسم پاکستان کیلئے طویل ترین ہوسکتا ہے

پاکستان میں گرمی🌡️ کی لہر کا آغاز ہوچکا ہے جس کی شدت میں آنے والے دنوں کے دوران بتدریج اضافہ متوقع ہے۔یہ گرمی کی...

لچکدار سولر پینل کیا ہیں اور نارمل سولر پلیٹ سے کیسے سستے ہیں؟

لچکدار سولر پینل کیا ہیں اور نارمل سولر پلیٹ سے کیسے منفرد ہیں؟ قصہ آخر ھے کیا۔۔۔۔۔؟؟؟ پچھلے کچھ دن سے پورے سوشل میڈیا میں کچھ...

وزیراعلی پنجاب مریم نوازشریف / محفوظ پنجاب پروگرام

وزیراعلی پنجاب مریم نوازشریف / محفوظ پنجاب پروگرام بجلی کے 300 یونٹ تک کے صارفین کو آسان قسطوں پر سولر پینل دینے کا فیصلہ پنجاب میں...

ٹویٹر سروسز کی عدم دستیابی کیسے عام لوگوں کیلئے مشکلات کا باعث بن رہی ہے؟

پاکستان میں ٹویٹر صارفین پریشان، 48 گھنٹے بعد بھی سروس بحال نا ہوسکی پاکستان میں گزشتہ دو دن سے جاری سیاسی صورتحال کے پیش...

پاکستان سمیت مختلف ممالک میں آئندہ دنوں میں شدید برفباری متوقع

اگلے 15 دنوں کے دوران ترکیہ سے پاکستان تک موسم سرما کا ایک انتہائی فعال مرحلہ متوقع ہے۔ اس دوران ترکیہ سے شروع ہوکر...

Most Popular