ذرائع کے مطابق اسلام آباد اور خیبر پختونخوا کے مختلف علاقوں میں زلزلے کے جھٹکے محسوس کئے گئے ہیں جن کی شدت 5.1 ریکارڈ کی گئی۔ ابتدائی ذرائع کے مطابق زلزلے کا مرکز سلام آباد سے 68 کلومیٹر دور کوہ ہندوکش کے پہاڑی سلسلے کی طرف بتایا گیا۔ اسلام آباد، پشاور اور بونیر کے علاوہ چترال، سوات، مینگورہ اور صوابی میں بھی زلزلے کے جھٹکے محسوس کئے گئے۔ زلزلہ پیما مرکز کے مطابق زلزلے کی زیر زمین گہرائی 216 کلو میٹر تھی جبکہ مرکز افغانستان تاجکستان بارڈر تھا۔ ابھی تک زلزلے کے باعث کسی جانی یا مالی نقصان کی اطلاع نہیں ملی تاہم لوگ خوف و ہراس کے مارے گھروں سے باہر آ گئے اور کلمہ طیبہ کا ورد کرتے رہے۔
