پیٹرول پر سبسڈی کیسے حاصل کرنی ہے؟ مفتاح اسماعیل کی پریس کانفرنس
وفاقی وزیر خزانہ مفتاح اسماعیل نے ہفتہ کے روز قوم سے خطاب میں وزیر اعظم شہباز شریف کے اعلان کردہ ریلیف پروگرام کے تحت مستحق خاندانوں کو پٹرول اور ڈیزل پر سبسڈی حاصل کرنے کے عمل کا اعلان کیا۔ اسلام آباد میں ایک پریس کانفرنس سے خطاب کرتے ہوئے، وزیر خزانہ نے کہا کہ وہ خاندان جو بے نظیر انکم سپورٹ پروگرام کا حصہ ہیں انہیں “وزیر اعظم سستا پٹرول سستا ڈیزل سکیم” کے تحت خود بخود 2000 روپے ملیں گے۔
اسماعیل نے مزید کہا کہ وہ گھرانے جو بے نظیر انکم سپورٹ پروگرام ڈیٹا بیس کا حصہ نہیں ہیں انہیں اپنی اہلیت کی جانچ کے لیے اپنے شناختی کارڈ نمبر 786 پر بھیجنا ہوں گے۔ تاہم انہوں نے واضح کیا کہ شناختی کارڈ نمبر ایک خاتون کا ہونا چاہیے کیونکہ رقم صرف گھر کی خواتین سربراہ کو منتقل کی جائے گی۔ مزید یہ بھی کہا کہ حکومت مستفید ہونے والے افراد کی تصدیق کرے گی اور اگر ان کی گھریلو آمدنی 40,000 روپے سے کم پائی گئی تو انہیں رقم مل جائے گی۔
انہوں نے کہا کہ سبسڈی کی رقم ان خاندانوں کی کل آمدنی کے پانچ فیصد کے برابر ہے کیونکہ پاکستان بیورو آف سٹیٹسٹکس کے اعداد و شمار کے مطابق اوسطاً پاکستان ٹرانسپورٹ پر پانچ فیصد خرچ کرتا ہے۔ انہوں نے کہا کہ اس پروگرام سے 14 ملین سے زائد خاندانوں کو فائدہ پہنچنے کی توقع ہے، جن میں سے 7.3 ملین پہلے ہی بے نظیر انکم سپورٹ پروگرام کے تحت رجسٹرڈ ہیں۔ “بقیہ 6.7 ملین خاندانوں کو [سبسڈی حاصل کرنے کے لیے] 786 پر پیغام بھیجنا ہوگا۔”
